14 наурыз – Көрісу күні. Қазақ халқының көнеден келе жатқан мерекелерінің бірі саналатын бұл күн Ұлыстың ұлы күні – Наурыз мейрамының бастауы саналады.

Көпшілік қар еріп, жер жүзі жаңарып, жаңа келбетке ене бастағанда, туған-туысын, жақындарын іздеп, сағына көрісетін болған. Бір-біріне деген өкпе-реніші болса, кешіріп, жаңа жылды таза көңілмен қарсы алған.

Үлкендер тілегін айтып, ақ батасын берген. «Жыл басы – Наурыз мерекесі құт-береке әкелсін!», «Жаңа жасың құтты болсын!», «Еліміз тыныш болсын» деп ақ тілегін айтқан.

Осы орайда Ораз Жандосов атындағы шағын орталықты орта мектебінің қызметкерлері мен оқушылар қазақ халқының құндылығын насихаттау, салт-дәстүрлерді жастар арасында кеңінен дәріптеу мақсатында салт- дәстүрге байланысты амандасып, құттықтаулар айтылып, өздерінің жылы лебіздерін білдірді.